Breaking News

సీఎం జగన్‌పై ఉండవల్లి అరుణ్ షాకింగ్ కామెంట్స్

*ఏపీలో దారుణ పరిస్థితులు.. సీఎం జగన్‌పై ఉండవల్లి అరుణ్ షాకింగ్ కామెంట్స్*

 

జగన్ సర్కార్‌పై మాజీ ఎంపీ, ప్రముఖ రాజకీయ విశ్లేషకుడు ఉండవల్లి అరుణ్ కుమార్ మరోసారి షాకింగ్ కామెంట్స్ చేశారు. ఈ మేరకు శనివారం రాజమహేంద్రవరంలో ఉండవల్లి అరుణ్ కుమార్ మీడియాతో మాట్లాడుతూ.. ఆంధ్రప్రదేశ్‌లో ఆర్థిక పరిస్థితి అస్తవ్యస్తంగా మారిందన్నారు. వైసీపీ ప్రభుత్వం ఇష్టానుసారం అప్పులు చేస్తోందని ఉండవల్లి ఆరోపించారు. జగన్‌ ప్రభుత్వం ఇప్పటి వరకు రూ. 6 లక్షల కోట్ల అప్పు చేసిందని.. అమరావతిని కూడా తాకట్టు పెట్టి అప్పులు తెస్తున్నారని ఆయన అన్నారు.

 

ఉండవల్లి అరుణ్ కుమార్

 

అమెజాన్‌తో ఈ నవరాత్రికి మీ ఇంటిని స్టైల్‌గా మార్చేయండి | హోమ్ & డెకర్‌పై 70% వరకు తగ్గింపు

ఎంతో మంది సలహాదారులు ఉన్న జగన్ ప్రభుత్వం.. ప్రస్తుతం ఆర్థిక దయనీయ పరిస్థితుల్లో ఉండటం దారుణమని ఉండవల్లి అరుణ్ కుమార్ అన్నారు. ఇంత జరుగుతున్నా అసలు ప్రభుత్వ సలహాదారులు ఏం చేస్తున్నారని ప్రశ్నించారు. పరిస్థితి ఇలాగే కొనసాగితే ఏపీకి గడ్డు పరిస్థితి తప్పదని ఉండవల్లి హెచ్చరించారు. ఆంధ్రప్రదేశ్ దాదాపుగా దివాళా తీసే పరిస్థితుల్లో ఉందని షాకింగ్ కామెంట్స్ చేశారు. ముఖ్యమంత్రి వైఎస్ జగన్మోహన్ రెడ్డి పాలనలో ఎక్కడ పడితే అక్కడ అప్పులు చేసే రాష్ట్రంగా ఆంధ్రప్రదేశ్ మారిపోయిందని ఆయన వ్యాఖ్యానించారు.

 

ఇక, ‘వన్ నేషన్.. వన్ రేషన్ కార్డు’కు దేశంలోని ఏ రాష్ట్రం ఒప్పుకోకపోయినా.. ఏపీ మాత్రం దీనికి ఒప్పుకుందని మాజీ ఎంపీ ఉండవల్లి గుర్తు చేశారు. పోలవరంపై వైసీపీ ప్రభుత్వం నిర్లక్ష్యం వహిస్తోందని.. ప్రాజెక్ట్‌ పనులు పూర్తి కాకపోయినా హడావుడిగా ప్రకటనలు చేస్తున్నారని చెప్పారు. పోలవరం పనుల్లో ఎలాంటి మార్పులు రాలేదని.. ప్రాజెక్ట్‌కు సంబంధించి రూ.4,068 కోట్లు కొర్రీలు వేశారని పేర్కొన్నారు. పోలవరం పనులు పూర్తి కాకపోయినా మంత్రులు హడావుడి చేస్తున్నారని దుయ్యబట్టారు.

 

పోలవరం ప్రాజెక్టుకు సంబంధించి టీడీపీ అధినేత చంద్రబాబునాయుడు ముఖ్యమంత్రిగా ఉన్నప్పుడు ఎలా ఉందో.. ఇప్పటికీ అలాగే ఉందని ఉండవల్లి అరుణ్ కుమార్ తెలిపారు. నిర్వాసితులకు ఇప్పటికీ పరిహారం అందడంలేదని.. తాగు నీటి విషయంలో పోలవరం ప్రాజెక్ట్‌కు అనుమతి ఇవ్వకపోవడం దారుణమన్నారు. పోలవరం నిధులపై రాష్ట్రం ఏర్పాటు నుంచి చర్చ జరుగుతోందని చెప్పారు. పోలవరం నిధులపై ఇప్పటికీ సరైన స్పష్టత లేదని ఉండవల్లి వ్యాఖ్యానించారు

Leave a Reply

Your email address will not be published. Required fields are marked *